Փաշինյանի Հայաստանը լկտի ստախոսների՞, թե՞ դեգեներատների երկիր է. Բորիս Ավագյան

Ռուսաստանյան կալանավայրերից մեկում գտնվող Բորիս Ավագյանն իր ֆեյսբուքյան էջում գրառում է կատարել․

«Փաշինյանի և նրա բանդայի գերության մեջ գտնվող հարգելի՛ հայրենակիցներ, 

Ցավոք սրտի, դուք երևի սկսում եք գիտակցել, թե ինչ աղետալի վիճակի են հասցրել մեր ժողովրդին Նիկոլն ու իր բանդան, բայց ամենից ծիծաղելին այն է, որ բացի ամեն ինչից, նրա համար աշխատող լրատվամիջոցներն իրենք են հաստատում այն ​​փաստը, որ նրանք կամ լկտի ստախոսներ են, կամ մտավոր հետամնաց դեգեներատների:

Ես մի շարք հարցեր ունեմ ԱՄՆ-ի և Մեծ Բրիտանիայի կողմից ֆինանսավորվող լրատվամիջոցներին, որոնք այդքան ակտիվ արձագանքեցին Շուշանիկ Ներսիսյանի և իրենց խմբակի մասին իմ բաց նամակին։

Հարց 1.

Եթե ես, ինչպես իրենք են պնդում, 2016 թվականից հետախուզման մեջ էի, ապա իրենց «ամենաազնիվ Փաշինյանի» իշխանության գալով ինչպե՞ս էի Հայաստանի Հանրապետությունում զբաղեցնում պետական ​​պաշտոն` Արթիկ քաղաքի փոխքաղաքապետի, ապա Արցախի նախագահի հատուկ հանձնարարություններով ներկայացուցչի, իսկ հետո Արցախի ՆԳՆ ԱԻ ծառայության պետի տեղակալի պաշտոնները: 

Հարց 2 
Միթե՞ Հայաստանի բոլոր իրավապահ մարմինները չէին կարող  պարզել, որ ես գտնվում եմ հետախուզման մեջ և թույլ չտալ, որ ես նշանակվեմ նման բարձր պաշտոններում։

Հարց 3 

Եթե ​​ես իսկապես խուսափել եմ հարկերից և զբաղվել փողերի լվացմամբ, ապա ինչու՞ 2020 թվականի ամռանը Արայիկ Հարությունյանը, ով այն ժամանակ Կրթության և մշակույթի նախարարն էր, տեսախցիկների առջև Ազգային արվեստի պատկերասրահի համար ինձանից հաճույքով նվեր ընդունեց Բաշինջաղյանի 17 միլիոն դրամ արժողությամբ նկարը: 
Հանրային հեռուստաընկերությունը հաղորդել էր, որ նման իրադարձություն կարող էր լինել միայն Փաշինյանի իշխանության օրոք։

Հարց 4 

Եթե, ըստ ձեր տարբերակի, Բորիս Ավակյանը Ռուսաստանի կողմից հետախուզվող սարսափելի հանցագործ է և Հայաստանում հարկերից խուսափող, ապա ի՞նչ էր Ավակյանն անում 2021 թվականի փետրվարին ՀՀ նախագահ Արմեն Սարգսյանի ու Արցախում ՌԴ խաղաղապահ ուժերի հրամանատար Ռուստամ Մուրադովի և Հայաստանում Ռուսաստանի ռազմական կցորդ Գրիշչուկի պաշտոնական հանդիպմանը (իմ մասնակցությամբ այս հանդիպման լուսանկարներով մամուլի հաղորդագրությունը տեղադրված է ՀՀ նախագահի պաշտոնական կայքում):  
Ու այստեղ հարց է առաջանում՝ Հայաստանի ազգային անվտանգության ծառայությունը, Բարձրաստիճան անձանց պաշտպանության ծառայությունը և ՀՀ նախագահի արարողակարգային ծառայությունը չե՞ն ստուգում, թե ով է մասնակցում ամենաբարձր մակարդակի հանդիպումներին։
Հարց 5 

Ինչու՞ էր ՀՀ ՊՆ գլխավոր շտաբի ղեկավարությունն այդքան ակտիվ շփվում և խորհրդակցում Ավակյանի հետ. սրա մասին ապացույցները կներկայացվեն հետագա աղմկահարույց հրապարակումներում։
Իրենք էլ չե՞ն ստուգում, թե ում հետ են հանդիպումներ անցկացնում ՀՀ ՊՆ գլխավոր շտաբի պատերի ներսում։

Հարց 6 

Ինչու՞ է Փաշինյանի ամենամոտ մարդկանցից մեկը՝ նրա խորհրդական Նաիրի Սարգսյանը, ընդունում Բորիս Ավակյանին Կառավարության տանը, խորհրդակցություն անցկացնում, ապա խնդրում, որ Ավակյանը հանդիպի ԱԱԾ տնօրեն Քարամյանի հետ և վերջինիս պարզաբանի մի շարք հարցեր։ Քարամյանն անձամբ է Ավակյանին հրավիրում ԱԱԾ և հանդիպում անցկացնում նրա հետ։ Ստացվում է, որ նույնիսկ Հայաստանի ԱԱԾ տնօրենը, ով պետք է ամենատեղեկացվածը լինի, նույնպես չգիտի՞, թե ում հետ է հանդիպում։

Իսկ հիմա ԱՄՆ-ից և Մեծ Բրիտանիայից ֆինանսավորող լրատվամիջոցներին ուղված գլխավոր հարցը.

Տղերք, ձեր սիրելի Փաշինյանն ու իր բանդան լկտի ստախոսնե՞ր են, թե՞ մտավոր հետամնաց դեգեներատներ»:

Բորիս Ավագյան