ՄԱԿ-ի գլխավոր քարտուղարը Մյանմայի ղեկավարին հորդորում է վերջ տալ ճգնաժամին
ՄԱԿ-ի գլխավոր քարտուղար Անտոնիո Գուտերեշը հայտարարել է, որ Մյանմայի (Մյանմար, Բիրմա) ղեկավար Աուն Սան Սու Չժին վերջին հնարավորությունն ունի վերջ տալու իր երկրում բռնկված ճգնաժամին, ինչի հետևանքով մահմեդական ռոհինջա բնակչության շուրջ 400 հազար ներկայացուցիչներ հարկադրաբար գաղթեցին հարևան Բանգլադեշ պետություն:
Հիշեցնենք՝ Աուն Սան Սու Չժին Խաղաղության Նոբելյան մրցանակակիր է:
Շաբաթներ է, ինչ Մյանման գտնվում է միջազգային ճնշման ներքո՝ երկրի մահմեդական բնակչության հետ տեղի ունեցած դեպքերի պատճառով: Օգոստոսի 25-ից ռոհինջաները սկսեցին թողնել երկիրը, երբ անվտանգության ուժերը լայնածավալ գործողություններ սկսեցին Մյանմայի արևելյան Ռաքհայն նահանգում, որը բնակեցված է մահմեդականներով: Մյանմայի իշխանությունների ներկայացմամբ, անվտանգության ուժերը ձեռնամուխ են եղել հակաահաբեկչական գործողության այն բանից հետո, երբ ռոհինջա զինյալների հարձակման հետևանքով սպանվել էր անվտանգության ծառայության 12 սպա: Հակաահաբեկչական գործողության հետևանքով, ըստ պաշտոնական տվյալների, սպանվել են մոտ 400 մահմեդական զինյալներ: Մինչդեռ, միջազգային իրավապաշտպան կառույցները խոսում են ռոհինջաների կոտորածի մասին:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սիթի ՍՊ ընկերության մի քանի աղցանի արտադրությունը կասեցվել է
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
Կարևոր է, որ հայության ներկայացուցիչներն իրենց նույնականացնեն ՀՀ-ի հետ