Սահակաշվիլին հոկտեմբերի 17-ին կմտնի Կիեւ եւ կներկայացնի երեք պահանջ
Միխայիլ Սահակաշվիլին հայտարարել է, թե մտադիր է Կիեւ հասնել հոկտեմբերին եւ իշխանություններին երեք պահանջ ներկայացնել: Այս մասին քաղաքական գործիչը գրել է իր ֆեյսբուքյան էջում: Մինչ այդ նա լինելու է ուկրաինական մեծ եւ փոքր քաղաքներում ավելի մեծ թվով կողմնակիցներով Կիեւ մտնելու համար:
Սահակաշվիլին գրել է, որ պաշտպանում է քաղաքացիական նախաձեռնությունների որոշումը հավաքվել Կիեւում հոկտեմբերի 17-ին:
Այդ ժամանակ իշխանություններից Սահակաշվիլին պահանջելու է ստեղծել հակակոռուպցիոն դատարաններ, վերացնել պատգամավորական անձեռնմխելիությունը եւ ընդունել նոր ընտրական օրենսգիրք:
Top-News.am