Ուկրաինայի ոստիկանությունը քրեական գործ է հարուցել Սահակաշվիլիի` սահմանը հատելու փաստով
Լվովի ոստիկանությունը քրեական գործ է հարուցել Օդեսայի նախկին նահանգապետ, Վրաստանի երրորդ նախագահ Միխեիլ Սահակաշվիլիի` լեհ-ուկրաինական սահմանը անօրինականորեն հատելու փաստի առթիվ:
Ուկրաինայի քաղաքացիությունից զրկված Սահակաշվիլին կարողացավ երկրի տարածք մուտք գործել կիրակի երեկոյան, երբ սահմանային «Շեգինի» անցակետի մոտ հավաքված իր կողմնակիցները ճեղքեցին ոստիկանության ու սահմանապահների շղթան և օգնեցին Լեհաստանի տարածքում գտնվող Սահակաշվիլիին մուտք գործել երկրի տարածք:
Ուկրաինական ոստիկանության տեղեկությունների համաձայն՝ սահմանային անցակետում տեղի ունեցած բախման ընթացքում ավելի քան մեկ տասնյակ իրավապահներ են վիրավորվել:
Վերջին տեղեկությունների համաձայն՝ անցած գիշեր Սահակաշվիլին ժամանել է Լվով: