Եթե ես լինեի որևէ լրատվամիջոցի խմբագիր և պատասխանատու, երբևէ հարթակ չէի տրամադրի հետևյալ տիպի գործիչներին․ Իշխանյան

Գիտեմ, որ իմ կարծիքը հակասում է խոսքի ազատության միջազգային սկզբունքներին։ Այնուամենայնիվ, ներկայացնեմ իմ կարծիքը։ Եթե ես լինեի որևէ լրատվամիջոցի խմբագիր և պատասխանատու, երբևէ հարթակ չէի տրամադրի հետևյալ տիպի գործիչներին․ Այս մասին ֆեյսբուքյան իր էջում գրել է իրավապաշտպան Ավետիք Իշխանյանը։

«-Գործիչ, որը 2016թ․ քառօրյա պատերազմից հետո վստահ հայտարարեց, որ կորսված հողերը ծախվել են, նա այլ բացատրություն չուներ։ Նա մեղադրեց նաև Յուրի Խաչատուրովին պատերազմի բռնկման ժամանակ բիլիարդ խաղալու մեջ։ Հետագայում, դատարանի որոշմամբ սույն գործիչը ներողություն խնդրեց զրպարտության համար։

Արդ, հարցս ուղղում եմ այն լրատվամիջոցներին, որոնց ցանկալի հյուրն է սույն գլոբալ մտածողը։ Ի՞նչ երաշխիք ունեք, որ նա չի շարունակում ստել, զրպարտել, հանուն սեփական շահերի, ըստ վճարող տերերի ցուցումների։

Շարքը կարելի է շարունակել, բանակից խուսափելու համար փաստաթղթեր կեղծող և նմանատիպ այլ «գործիչներ» թվարկելով։

Այստեղ կարող է լինել մեկ բացատրություն՝ այս լրատվամիջոցները նույնպես թշնամու պատվեր են կատարում։

Հ․Գ․ Ներեցեք, ես սխալվում էի,ըստ ԵԽ Մարդու իրավունքների կոնվենցիայի 10-րդ հոդվածի․

Այս ազատությունների իրականացումը, քանի որ այն կապված է պարտավորությունների և պատասխանատվության հետ, կարող է պայմանավորվել այնպիսի ձևականություններով, պայմաններով, սահմանափակումներով կամ պատժամիջոցներով, որոնք նախատեսված են օրենքով և անհրաժեշտ են ժողովրդավարական հասարակությունում` ի ՇԱՀ ՊԵՏԱԿԱՆ ԱՆՎՏԱՆԳՈՒԹՅԱՆ, տարածքային ամբողջականության կամ հասարակության անվտանգության, անկարգությունները կամ հանցագործությունները կանխելու, առողջությունը կամ բարոյականությունը, ինչպես և այլ անձանց հեղինակությունը կամ իրավունքները պաշտպանելու, խորհրդապահական պայմաններով ստացված տեղեկատվության բացահայտումը կանխելու կամ արդարադատության հեղինակությունն ու անաչառությունը պահպանելու նպատակով»,- գրել է նա:

Այս թեմայով «Վերևների օրինակին հետևելով». Ավետիք Իշխանյան Շուտով, կլսենք հերթական բարբաջանքը՝ «միջանցքը» տվեցինք, որ Սյունիքն ամբողջությամբ չհանձնենք. Ավետիք Իշխանյան Սա վարչապետի օրինագիծն է. այն ոչ թե ոլորտը կարգավորելու նպատակ ունի, այլ մարդկանց լռեցնելու. Ավետիք Իշխանյան Այս նույն տրամաբանությամբ՝ 1915 թ․ ցեղասպանության ողջ պատասխանատվությունն ընկնում է Երիտթուրքական կառավարության վրա. Իշխանյանը՝ ԱԳՆ-ին Չեմ պատկերացնում որևէ այլ «ինքնիշխան» պետության ղեկավարություն, որը հաճույք զգա թշնամու նվաստացումներից