Տղամարդն իր անկողնում հայտնաբերել է անկոչ մերկ հյուրի
Հյուսիսային Կարոլինայում տղամարդն իր անկողնում հայտնաբերել է անկոչ մերկ հյուրի։ Ըստ AP-ի՝ միջադեպը տեղի է ունեցել Անդրեսոն փոքր քաղաքում։
Տղամարդը տուն է եկել ու միանգամից զգացել, որ ինչ-որ բան այն չէ։ Տան պատշգամբում նա հայտնաբերել է բացած ծանրոց։ Մտնելով տուն՝ նա սեղանի վրա գտել է կիսատ թողած բուտերբրոդ, գարեջրի բաց շիշ ու մի տուփ ծխախոտ։ Ավելին՝ պարզվել է, որ ինչ-որ մեկն օգտվել էր լոգարանից ու ցնցուղ ընդունել, այսուայն կողմ թափթփելով հագուստը։ Պատկերացրեք, թե որքան էր զարմացել տանտերը՝ իր անկողնում հայտնաբերելով մերկ քնած գեղեցկուհու։ Նա արթնացրել է կնոջն ու զանգահարել «911»։ Կինը հագնվել է, դուրս եկել պատշգամբ ու սպասել ոստիկանությանը։
Ոստիկանները ձերբակալել են 33-ամյա Միշել Ուոթքինսին։ Նրա գրպանում հայտնաբերել են տանտիրոջ ծխախոտի տուփը։ Նրան մեղադրանք են առաջադրել մանր գողության ու ուրիշի տուն ներխուժելու համար։