Մեկ տարվա ազատազրկում՝ Facebook–ում «մուսուլմաններին սպանելու» կոչ հրապարակելու համար
Բրիտանացին մեկ տարվա ազատազրկման է դատապարտվել Facebook–ում «մուսուլմաններին սպանելու» կոչ հրապարակելու համար։ SkyNews-ի փոխանցմամբ՝ 22-ամյա Կիգան Յակովլեւսը սոցցանցի իր էջում տեղադրել էր այդ հրապարակումը Մանչեսթերում տեղի ունեցած ահաբեկչությունից անմիջապես հետո, որի հետեւանքով 22 մարդ էր զոհվել։
Նա մասնավորապես կոչ էր անում սպանել «բոլոր մուսուլմաններին» Նրա գրառումը ջնջվել էր հրապարակումից որոշ ժամանակ անց։ Դատարանում Կիգանը խոստովանել էր, որ այդ գրառումը հրապարակել էր կրոնական ատելություն հրահրելու նպատակով։
Մեղադրական կողմը պնդում էր, որ նրա հրապարակումը պարունակում էր մուսուլմանական համայնքին վնաս հասցնելու ու «վախ ու տառապանք» պատճառելու պոտենցիալ սպառնալիք։