13 կողոպտիչներ հարձակվել են Եկատերինբուրգի առեւտրի կենտրոնի վրա
Մահակներով զինված կողոպտիչների մեծ խումբը Եկատերինբուրգի առեւտրի կենտրոնի վրա է հարձակվել, ծեծել հսկիչներին եւ բջջային հեռախոսներ հափշտակել։ Այս մասին սեպտեմբերի 7-ին հայտնել է Սվերդլովի մարզի Ռոսգվարդիայի վարչությունը։
Վարչության տվյալներով՝ միջադեպը վաղ առավոտյան է տեղի ունեցել։ Հարձակման է ենթարկվել Ամունդսենի փողոցում գտնվող «Կիտ» առեւտրի կենտրոնը։
«Ռոսգվարդիայի աշխատակիցները ձերբակալել են մեկ քաղաքացու, որը մահակներով զինված 13 երիտասարդներից բաղկացած խմբի հետ առեւտրի կենտրոնի շենք է ներխուժել, կոտրել «Սվյազնոյ»-ի եւ «Բիլայն»-ի խանութների ցուցափեղկերը, ծեծել հսկիչներին եւ բջջային հեռախոս հափշտակել։ Ռոսգվարդիային հաջողվել է տվյալ միջադեպի եւս վեց մասնակցի ձերբակալել»,-ասված է հաղորդագրությունում։