Բրազիլիայի գլխավոր դատախազը նախկին նախագահներին մեղադրել է հանցավոր կազմակերպություն ստեղծելու մեջ
Բրազիլիայի գլխավոր դատախազը նախկին նախագահներ Լուիս Ինասիո դա Սիլվային եւ Դիլմա Ռուսեֆին ու Աշխատանքային կուսակցության նրանց համախոհներին մեղադրել է հանցավոր կազմակերպություն ստեղծելու մեջ, փոխանցում է Reuters-ը:
Դատախազ Ռոդրիգո Ժանտը պնդում է, որ Աշխատանքային կուսակցության 8 անդամներ՝ ներառյալ Լուլուն եւ Ռուսեֆը, մի շարք հանցագործություններ են կատարել՝ կապված Petrobras պետական նավթային ընկերության հետ, ինչպիսին են կարտելի ստեղծումը, կոռուպցիան եւ փողերի լվացումը:
Սա Ռուսեֆին ներկայացված առաջին մեղադրանքն է, որն իմփիչմենթի ենթարկվեց 2016 թվականին բուջեի մասին օրենքի խախտման համար:
Մեղադրանքում նշվում է, որ Լուլան կազմակերպության ղեկավարն էր: Նրա փաստաբանը հայտարարել է, որ սա ոչ այլ ինչ է, քան օրենքի չարաշահում՝ նախկին նախագահին հետապնդելու համար: Ռուսեֆի ներկայացուցիչը հայտարարել է, դատախազն ապացույցներ չի ներկայացրել: