Զբոսաշրջիկը վերադարձրել է Ուելսի հին վանքից գողացված քարը՝ հայտնելով, որ այն դժբախտություն է բերում իրեն
Ավստրալացի զբոսաշրջիկը վերադարձրել է այն քարը, որը գողացել էր Ուելսի հին վանքից, հայտնելով, որ այն իրեն դժբախտություն է բերում։
Metro-ի փոխանցմամբ՝ անհայտ ճանապարհորդը ծրարի մեջ դրված մի փոքր քար է ուղարկել ու նամակ գրել՝ վստահություն հայտնելով, որ Ուելսի հին տիրակալը զայրացել է իր վրա քարը գողանալու համար։ Նա խոստովանել է, որ շատ հրապուրված էր Ուելսի պատմությամբ, հենց դրա համար էլ որոշել էր գողանալ այդ քարը։ «Սակայն այդ օրվանից սկսած՝ ինձ հետապնդում են անհաջողությունները, ասես Լլիվելինը (Ուելսի վերջին անկախ կառավարիչը-խմբ.) զայրացել էր ինձ վրա։ Դրա համար էլ ես վերադարձնում եմ այս քարը»։