Հաշվետվություն․ Եվրոպայում ԱՄՆ ուժերը պատրաստ չեն ռուսական ագրեսիային
Եվրոպայում ԱՄՆ ուժերը բավականաչափ սպառազինություն ու կազմակերպվածություն չունի Ռուսաստանի ռազմական ագրեսիային դիմակայելու համար։ Այս մասին ասվում է ԱՄՆ օդադեսանտային 173-րդ բրիգադի ներքին գործածման համար հաշվետվությունում, որը հայտնվել է Politico պարբերականի տրամադրության տակ։ Այդ բրիգադը մասնակցել է Իրաքում ու Աֆղանստանում ԱՄՆ գործողություններին։
Իտալական 173-րդ օդադեսանտային բրիգադը չունի հնարավորություններ, որոնք անհրաժեշտ են իր առաքելությունն արդյունավետորեն ու վճռորոշ արագությամբ իրականացնելու համար, ասվում է հաշվետվության մեջ։
Փաստաթղթում ասվում է, որ մի շարք թերություններ են բացահայտվել ուկրաինական բանակի հետ վերջին զորավարժությունների ժամանակ։
Անբավարար սարքավորվածությունը կարող է պայմանավորված լինել Իրաքում ու Աֆղանստանում ռազմական արշավներին հաջորդած անհիմն հանգստությամբ, մինչդեռ այդ երկրներում հակառակորդները չունեին ոչ օդային ուժ, ոչ տեխնոլոգիաներ, նշում է պարբերականը։