Լավրովը հայտարարել է, որ չի պատրաստվում ՌԴ նախագահի թեկնածու դառնալ
Ռուսաստանի Դաշնության արտաքին գործերի նախարար Սերգեյ Լավրովը հայտարարել է, որ չի պատրաստվում դնել իր թեկնածությունը 2018թ.-ին կայանալիք նախագահական ընտրություններին: Այս մասին գրում է ռուսական РИА Новости գործակալությունը:
Մոսկվայի միջազգային հարաբերությունների պետական ինստիտուտի ուսանողների հետ հանդիպման ժամանակ պատասխանելով ուսանողուհիներից մեկի հարցին՝ Լավրովը նշել է, որ նախագահի թեկնածու դառնալ չի պատրաստվում, նա նաև խոստովանել է, որ իր համար շատ հարմար ու հաճելի է աշխատել նախագահ Վլադիմիր Պուտինի հետ:
«Ես ասում եմ դա անկեղծ՝ առանց շողոքորթության», - շեշտել է Լավրովը:
Նա հավելել է, որ իրենք դեռ մի շարք արտաքին քաղաքական խնդիրներ ունեն լուծելու, և ամենակարևորն իրենց նախարարության կողմից այդ նպատակների իրագործումն է: