Վաճառվում է հատուկ նշանակության ջոկատի էքստրեմալ Hummer H1-ը
Autotrader կայքում հայտարարություն է տեղադրվել Hummer H1-ի վաճառքի մասին, որը Թմրանյութերի դեմ պայքարի վարչության ամերիկյան հատուկ նշանակության ջոկատն օգտագործել է Նեւադայի տարածքում գործողությունների համար: Ավտոմեքենայի արժեքը 125 հազար դոլար է, փոխանցում է Motor-ը:
Վաճառվում է 1998 թվականի նմուշի ավտոմեքենան, որի վազքը կազմում է մոտ 30 հազար կիլոմետր: Այն ունի ամբողջական հաղորդակ, 8-գլանանի դիզել՝ 6,5 լիտր տարողությամբ, փոխանցման ավտոմատ տուփ, անվադողերի, անիվների ներմղման կենտրոնացաված համակարգ, որոնք ծակվելուց չեն վախենում, հզոր վերհան կարապիկ, լուսադիոդային «ջահեր», տանիքին արեւային վահան եւ դիտահոր, ինչպես նաեւ հետին ալյումինային բաժին՝ կրկնակի պատերով եւ հիդրավլիկ հաղորդակով ոտնակով մեծ դուռ: