Forbes-ը նշել է դարի ամենաազդեցիկ ռուսաստանցիների անունները

Forbes ամսագիրը 100 ռուսաստանցիների ցանկն է կազմել, որոնք առավելապես մեծ ազդեցություն են ունեցել պատմության վրա 1917-2017 թվականներին, գրում է Gazeta-ն:

Պատմության մեջ առանցքային դեր ունեցած 100 ռուսաստանցիների թվում են Յուրի Գագարինը, Միխայիլ Գորբաչովը, Վլադիմիր Պուտինը, Ալլա Պուգաչովան, Լեոնիդ Բրեժնեւը եւ Իոսիֆ Ստալինը:

21 ժամանակակիցների ցանկում, որոնց թվում է նաեւ բալետի աստղ Միխայիլ Բարիշնիկովը, ներառվել են նաեւ ֆիզիկոս Ժորես Ալֆերովը, «ВКонтакте»-ի եւ Telegram-ի հիմնադիր Պավել Դուրովը, ռեժիսոր Նիկիտա Միխալկովը, մաթեմատիկոս Գրիգորի Պերելմանը, ֆինանսների նախկին նախարար Ալեքսեյ Կուդրինը եւ այլք: Նշվում է, որ նրանցից ամենաերիտասարդը Ethereum կրիպտոարժույթ ստեղծած Վիտալիկ Բուտերինն է՝ 23 տարեկան:

Ցանկը կազմել են տարբեր ոլորտների փորձագետներ, իսկ ժողովրդական քվեարկության արդյունքում առաջատար են դարձել Յուրի Գագարինը, Իոսիֆ Ստալինն ու Վլադիմիր Պուտինը: