Կիեւը ԵՄ-ից բացատրություն է պահանջել Յունկերի խոսքերի համար
Եվրամիությունում Ուկրաինայի ներկայացուցիչ Նիկոլայ Տոչիցկին դիմել է Եվրահանձնաժողովին՝ բացատրություն պահանջելով ՆԱՏՕ-ին եւ ԵՄ-ին Ուկրաինայի անդամակցության վերաբերյալ Եվրահանձնաժողովի նախագահ Ժան-Կլոդ Յունկերի խոսքերի համար, փոխանցում է ՈՒՆԻԱՆ-ը։
Յունկերը հայտարարել է, որ այս պահին Ուկրաինան կապ չունի ո՛չ Եվրամիության, ո՛չ ՆԱՏՕ-ի հետ։
Տոչիցկին հայտարարել է, որ Եվրահանձնաժողովին խնդրել է ուկրաինական կողմին բացատրություն ներկայացնել Յունկերի խոսքերի համար։ Նա նաեւ հիշեցրել է Պյոտր Պորոշենկոյի հայտարարություններն Ուկրաինայի՝ եվրոպական եւ եվրատլանտյան դաշինքի ուղին բռնելու մասին։
Տոչիցկին նշել է, որ Եվրահանձնաժողովում իր գործընկերներին մտահոգություն է հայտնել, քանի որ, նրա կարծիքով, Յունկերի խոսքերը լայնորեն օգտագործվել են լրատվամիջոցներում՝ «Ուկրաինայի եւ մեր եվրաինտեգրման ուղին վարկաբեկելու նպատակով»։