Վերջին հրթիռային փորձարկումը Գուամին հարվածելու «նախերգանքն է». ԿԺԴՀ-ի առաջնորդ
Հյուսիսային Կորեայի առաջնորդ Կիմ Չեն Ընը հայտարարել է, որ վերջին հրթիռային փորձարկումը Գուամ կղզուն հարվածելու «նախերգանքն էր»։ Նա նշել է, որ Փհենյանն ուշադրությամբ հետեւում է ԱՄՆ-ի խոսքերին ու գործողություններին։
Ավելի վաղ Հյուսիսային Կորեայի իշխանությունները հայտնել են, որ օգոստոսի 29-ին իրականացրել են միջին հեռահարության «Հավսոն-12» բալիստիկ հրթիռի փորձարկումը։ Նշվում է, որ արձակումը վերահսկել է երկրի առաջնորդ Կիմ Չեն Ընը։ «Զորավարժությունների ժամանակ գործի են դրվել չկանխատեսված հանգամանքներում Խաղաղ օվկիանոսում ԱՄՆ-ի ռազմավարական բազաներին հարվածելու համար պատասխանատու Կորեական ժողովրդական բանակի ռազմավարական զորքերը»,-հաղորդում է «ՌԻԱ Նովոստի»-ն։