Հս. Կորեային պատասխանելու բոլոր տարբերակները քննարկվում են. Թրամփն արձագանքել է այդ երկրի կողմից բալիստիկ հրթիռի արձակմանը
Միացյալ Նահանգների նախագահ Դոնալդ Թրամփը հայտարարել է, որ Հյուսիսային Կորեային արձագանքելու բոլոր տարբերակները քննարկվում են՝ երեքշաբթի վաղ առավոտյան այդ երկրի կողմից Ճապոնիայի ուղղությամբ բալիստիկ հրթիռի արձակումից հետո, գրում է Reuters գործակալությունը:
«Աշխարհը ստացել է Հյուսիսային Կորեայի վերջին հստակ ուղերձը՝ այս ռեժիմն ազդարարել է իր հարևանների, ՄԱԿ-ի բոլոր անդամների և ընդունելի միջազգային պահվածքի նվազագույն չափանիշների նկատմամբ արհամարհանքը»,- ասված է Սպիտակ տան կողմից հրապարակված Թրամփի հայտարարությունում:
«Սպառնալից և ապակայունացնող գործողությունները միայն մեծացնում են Հյուսիսային Կորեայի վարչակազմի մեկուսացումը տարածաշրջանում և աշխարհի բոլոր երկրների շրջանում: Բոլոր տարբերակները քննարկվում են»,- ասել է Թրամփը:
Հիշեցնենք, որ երեքշաբթի առավոտյան ԿԺԴՀ-ն հերթական բալիստիկ հրթիռն է փորձարկել, որն անցել է Ճապոնիայի վրայով և ընկել Խաղաղ օվկիանոսը: Հաղորդվում է, որ հրթիռն անցել է ճապոնական Հոկայդո կղզու տարածքով:
Ճապոնիան, ԱՄՆ-ն և Հարավային Կորեան հրթիռի փորձարկումից հետո ՄԱԿ-ի Անվտանգության խորհրդի շտապ նիստի անցկացում են պահանջել: Անվտանգության խորհուրդն արտահերթ նիստն անցկացնելու է երեքշաբթի երեկոյան:
Կորեական թերակղզում իրավիճակը չափազանց լարված է մնում: Հուլիսին ԿԺԴՀ-ն երկու անգամ բալիստիկ հրթիռների փորձարկումներ է իրականացրել, ինչը սուր արձագանք է ստացել ԱՄՆ-ի, Ճապոնիայի և Հարավային Կորեայի կողմից:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
Կարևոր է, որ հայության ներկայացուցիչներն իրենց նույնականացնեն ՀՀ-ի հետ