Կալիֆորնիայում սեւ հագուստներով անարխիստներն ընդհատել են աջակողմյան «Հայրենասերների աղոթք»-ի հանրահավաքը
Անարխիստների մի ամբողջ բանակ՝ սեւ հագուստներով ու սեւ դիմակներով ջախջախել են աջակողմյան ցուցարարների ոչ մեծ խմբին, որոնք օգոստոսի 27-ին հավաքվել էին Մարտին Լյութեր Քինգի զբոսայգում՝ Բերքլիում՝ ձախակողմյանների դեմ բողոք հայտնելու համար։ Ծեծկռտուքը տեղի է ունեցել՝ չնայած մեծ թվով ոստիկանների, որոնք շրջափակել էին հանրահավաքի շրջանը, հաղորդում է San Francisco Chronicle-ը։
Նշվում է, որ «Հայրենասերների աղոթք» աջակողմյան շարժման ներկայացուցիչները ձախակողմյաններին մեղադրել են Շարլոթսվիլում եւ այլ տեղերում բռնությունների մեջ։ Միջոցառման կարգախոսն էր «Ո՛չ մարքսիզմին Բերքլիում»։
Լրատվամիջոցների տվյալներով՝ Բերքլիում անարխիստների եւ հակաֆաշիստների թիվը զգալիորեն գերազանցել է աջակողմյան ցուցարարների թիվը։ Հակաֆաշիստներից շատերի հագուստին նախագահ Դոնալդ Թրամփի դիմանկարն էր։ Նրանք ծեծի են ենթարկել հանրահավաքի մի քանի մասնակիցների եւ լրագրողների։
Օրվա վերջում ոստիկանները 13 մարդու են ձերբակալել։