ԵՄ-ն չի կարող առանց ՆԱՏՕ-ի. Ստոլտենբերգ
Անվտանգության անկախության տեսանկյունից Եվրամիությունը չի կարող առանց ՆԱՏՕ-ի։ Նման կարծիք է հայտնել ՆԱՏՕ-ի գլխավոր քարտուղար Յենս Ստոլտենբերգը, փոխանցում է «ՏԱՍՍ»-ը։
Նրա խոսքով՝ եվրոպական պաշտպանական քաղաքականությունը «ՆԱՏՕ-ի համար ոչ թե մրցակցային պետք է լինի, այլ պետք է համալրի այն»։
«Մենք ցանկանում ենք ավելի շատ եվրոպական ուժեր, ժամանակակից հնարավորություններ ունենալ, բարձրացնել պաշտպանության ծախսերը։ Բայց մենք պետք է խուսափենք կրկնօրինակումից, եվրոպական հրամանատարություն կամ բանակ ստեղծելուց, ինչպես նաեւ հռետորաբանությունից, որ Եվրոպան կարող է առանց ՆԱՏՕ-ի»,- ասել է նա։
«ՆԱՏՕ-ն հավաքական պաշտպանության երաշխավորն է»,- ենթադրել է դաշինքի գլխավոր քարտուղարը։
Նրա խոսքով՝ «Brexit-ից հետո երկու պետություններ (ԱՄՆ եւ Մեծ Բրիտանիա), որոնք ամենաշատն են ուշադրություն դարձնում պաշտպանությանը, ԵՄ-ի կազմում չեն լինի»։