ԱՄՆ դեսպանը Ռուսաստանի դեմ պատժամիջոցները «բութ գործիք» է անվանել
Հակառուսական պատժամիջոցները «բութ գործիք» են։ Այս մասին հայտարարել է Մոսկվայում ԱՄՆ-ի դեսպան Ջոն Թեֆը՝ նշելով, սակայն, որ դրանք անհրաժեշտ էին։
«Իմ կարծիքով՝ պատժամիջոցները բութ գործիք են։ Դրա հետ կապված ոչ մի հարց չկա, եւ դա բոլորն են հասկանում»,- ասել է նա։
Նրա խոսքով՝ ԱՄՆ նախկին նախագահ Բարաք Օբամայի վարչակազմի սահմանած պատժամիջոցներն անհրաժեշտ էն, որպեսզի անհամաձայնություն հայտնեն՝ «միջազգային իրավունքը խախտելու» հետ կապված։
ԱՄՆ գործող նախագահ Դոնալդ Թրամփն օրենք է ստորագրել, որը ենթադրում է ՌԴ տնտեսության դեմ որոշ հատվածային պատժամիջոցների ընդլայնում։ Մասնավորապես՝ այն կրճատում է ռուսական բանկերին ֆինանսավորման առավելագույն ժամկետը՝ հասցնելով 14 օրվա, իսկ նավթագազային հատվածի ընկերությունների ֆինանսավորումը՝ 60 օրվա (նախկինում 30 եւ 90 օր էր՝ համապատասխանաբար)։