«Հարվի» փոթորիկը Տեխասի փողոցներ կենդանի ալիգատորներ է նետել (լուսանկարներ)
Տեխասի բնակիչներին նախազգուշացրել են նահանգի ճանապարհների վրա «Հարվի» փոթորկի առաջացրած հորդառատ անձրևների պատճառով հայնտվող ալիգատորների մասին. այս մասին գրում է life.ru-ն:
Ֆորտ-Բենդ շրջանի շերիֆը հայտնել է, որ կենդանիները կարող են մոտենալ բնակավայրերին ջրի մակարդակի բարձրանալու պատճառով:
Իշխանությունները նշել են, որ կենդանիները ագրեսիվ չեն, այնուամենայնիվ, նրանց չարժե դիպչել և փորձել հեռացնել: Ալիգատորները պարզապես տեղ և հնարավորություն են փնտրում սպասելու եղանակի հանդարտվելուն, և երբ ջուրը հետ գնա, նրանք ինքնուրույն կհեռանան մարդկանցից:
Միաժամանակ հաղորդվում է, որ նահանգի երեք բանտերից տարհանվել է մոտ 4,5 հազար կալանավոր ջրհեղեղի վտանգի պատճառով:
Փոթորիկը Տեխաս է հասել նախօրեին: ԱՄՆ նախագահ Դոնալդ Թրամփը նահանգում հայտարարել է աղետի ռեժիմ: Հայտարարվել է բնակիչների պարտադիր տարհանում: Նախնական տվյալներով՝ փոթորկի հասցրած վնասը կազմում է միլիարդավոր դոլարներ:
