Samsung-ի ղեկավարը կաշառակերության համար 5 տարվա ազատազրկման է դատապարտվել
Samsung Electronics Co ընկերության փոխնախագահ եւ փաստացի ղեկավար Լի Չժեն Յոնը 5 տարվա ազատազրկման է դատապարտվել։ Սեուլի կենտրոնական շրջանային դատարանը նրան մեղավոր է ճանաչել կաշառակերության, միջոցներ հափշտակելու եւ կեղծ ցուցմունք տալու մեջ, հաղորդում է Yonhap-ը։
Դատախազությունը պահանջում էր մեղադրյալին 12 տարվա ազատազրկման դատապարտել՝ նախկին նախագահ Պակ Կըն Հեի շուրջ ծավալված կոռուպցիոն սկանդալի շրջանակում։
49-ամյա Լի Չժեն Ենի գործով լսումները շուրջ հինգ ամիս են տեւել։ Հարավային Կորեայում այն հասցրել են անվանել «հարյուրամյակի դատավարություն»։ Այս տարվա փետրվարին մի շարք մեղադրանքներով նրան կալանքի տակ են վերցրել, այդ թվում՝ 39 մլն դոլար կաշառք տալու գործով։