Թուրք զինվորականին կալանավորել են Աթաթուրքին «մասոն» ասելու համար
Թուրքիայում կալանավորվել է թուրքական ԶՈւ-ի անդամ, որը սոցցանցերից մեկի իր էջում Թուրքիայի հանրապետության հիմնադիր ու առաջին նախագահ Մուստաֆա Քեմալ Աթաթուրքին «մասոն» էր անվանել, այս մասին գրում է թուրքական diken.com.tr կայքը:
Էրդալ Քայա անունով զինվորականի դեմ մեղադրանք է առաջադրվել Թուրքիայի քրեական օրենսգրքի՝ «Աթաթուրքին անպատվելու» մասին հոդվածով, Ստամբուլի Քյուչյուքչեքմեջե շրջանի հանրապետական դատարանի կողմից:
Նա սոցցանցի իր էջում հրապարակել էր Աթաթուրքի լուսանկարներից մեկն ու ուշադրություն հրավիրել նրա ձեռքին՝ պնդելով, որ Մուստաֆա Քեմալը մասոնական նշան է արել:
«Ես չզարմացա», - հավելել էր Քայան:
Հայտնի է, որ նա ծառայել է Քումբուրգազի ժանդարմերիայում:
