Մոսկվայում նորմայից բարձր եղանակի պատճառով երկրի ԱԻՆ-ը նախազգուշացրել է բնակիչներին
Ռուսաստանի Դաշնության արտակարգ իրավիճակների նախարարությունը արտակարգ նախազգուշացում է հղել Մոսկվայի բնակիչներին՝ մայրաքաղաքում սպասվող նորմայից բարձր տաք ջերմաստիճանի հետ կապված, այս մասին գրում է life.ru-ն:
Հայտարարության մեջ ասվում է, որ Մոսկվային պատուհասած սաստիկ շոգը կշարունակվի նաև այսօր, մոսկովյան օգոստոսի համար խիստ տաք համարվող եղանակի պատճառով հայտարարված է նաև հրդեհների ռիսկի բարձր մակարդակ:
Նշվում է, որ ջերմաստիճանը ցերեկային ժամերին կարող է հասնել մինչև 32 աստիճան, տեղումներ չեն սպասվում:
Նախարարությունը կոչ է արել քաղաքացիներին ցուցաբերել զգուշություն, պաշտպանվել արևային հարվածներից, հագնել բաց գույնի հագուստ, օգտագործել շատ հեղուկ: