Բրիտանացի գործարարը Լոնդոնի փոխարեն սխալմամբ մեկնել է Լաս Վեգաս

Բրիտանացի գործարար Սեմյուել Յանկովսկին Լոնդոնի փոխարեն սխալմամբ մեկնել է Լաս Վեգաս, գրում է The Daily Mail-ը:

Գերմանիայի Քյոլն քաղաքում գործնական հանդիպումից հետո նա պետք է վերադառնար հայրենիք։ 29-ամյա գործարարը պնդում է, որ Eurowings բյուջետային ավիաընկերության աշխատակիցները երեք անգամ ստուգել են նրա վայրէջքի կտրոնը, սակայն որևէ զգուշացում չեն հղել:

Դրանից հետո գործարարը նստել է ինքնաթիռ և քնով անցել, իսկ արթնանալուն պես նկատել է ինքնաթիռում տեղակայված էկրանի վրա, որ իրենք ուղևորվում են ԱՄՆ:

Նրա խոսքով՝ Լաս Վեգաս վայրէջք կատարելուն պես իմիգրացիոն ծառայության աշխատակիցները խուզարկել են նրան և սպառնացել ձերբակալել:

Ավելի ուշ Յանկովսկին նույն ավիաընկերության չվերթով վերադարձել է Գերմանիա, իսկ հետագա չվերթների հարցում նրան մերժել են: Նա ստիպված է եղել ավտոբուսով և գնացքով մեկնել Շտուտգարտ, իսկ այդտեղից ինքնաթիռով հասնել Լոնդոն: Արդյունքում այս ճանապարհորդության վրա բրիտանացին ծախսել է 3 օր և հավելյալ 878 եվրո:

Eurowings ավիաընկերությունն, իր հերթին, հայտարարել է, որ միջադեպի համար մեղավոր են Քյոլնի օդանավակայանի աշխատակիցները: