Որսորդը փորձել է սպանել փղին, բայց փիղն է սպանել նրան
Նամիբիայում փիղը սպանել է որսորդին, որը փորձել է կրակել նրա վրա ։ Metro-ի փոխանցմամբ՝ 46-ամյա արգենտինացի Ժոզե Մոնզալվեզը հետեւում էր փղերի հոտին, երբ դրանցից մեկը հարձակվել է նրա վրա ու ոտքերի հարվածով սպանել։
Որսորդի մարմինը գտել են Կալկֆելդ քաղաքից 70 կմ հեռավորության վրա։
Մոնզալվեզն իր արգենտինացի ընկերոջ ու երեք տեղացիների հետ էր որսի դուրս եկել։ Ըստ ամենայնի՝ փիղն ավելի շուտ է հարձակվել, քան նրանք կհասցնեին հարմար դիրք գտնել՝ նշանառության ու կրակելու համար։