Պուտինն ու Ռոհանին հեռախոսով քննարկել են երկկողմանի համագործակցությունն ու Սիրիայի հարցը
Ռուսաստանի նախագահ Վլադիմիր Պուտինը հեռախոսով Իրանի նախագահ Հասան Ռոհանիի հետ քննարկել է երկկողմանի համագործակցությունը, ներառյալ՝ նավթագազային, էլեկտրաէներգիայի եւ տրանսպորտային ոլորտներում համատեղ նախագծերը, ինչպես նաեւ իրադրությունը Սիրիայում։ Այս մասին հաղորդում է Կրեմլի մամուլի ծառայությունը։
«Քննարկվել են երկկողմանի համագործակցության զարգացումը, ներառյալ՝ նավթագազային, էլեկտրաէներգիայի եւ տրանսպորտային ոլորտներում համատեղ նախագծերի իրագործումը, ինչպես նաեւ միջազգային օրակարգի որոշ հարցեր։ Սիրիայի իրադրության շուրջ կարծիքներ փոխանակելիս հաստատվել է ճգնաժամի կարգավորմանն ուղղված համատեղ ջանքեր գործադրելու շահագրգռվածությունը»,-ասվում է հաղորդագրությունում։