Սերբիան առաջարկել է Կոսովոն բաժանել
Սերբիայի ԱԳ նախարար Իվիցա Դաչիչն առաջարկել է Կոսովոյի հյուսիսային հատվածը փոխանցել Բելգրադի վերահսկողության ներքո: Այս մասին նա նշել է կառավարական Novosti պարբերականում հրապարակված հոդվածում, փոխանցում է Lenta-ն:
Դաչիչի կարծիքով՝ դրանից բացի, անհրաժեշտ է լայն ինքնավարություն տրամադրել սեբական համայնքներին, որոնք կմնան Կոսովոյի հարավում: Ինչ վերաբերում է սերբական ուղղափառ եկեղեցիներին, նախարարը խորհուրդ է տվել նրանց վանական միության հատուկ ինքնավար կարգավիճակ տալ՝ ըստ հունական Աֆոնի մոդելի:
Ըստ որում՝ դիվանագետն ընդգծել է, որ Պրիշտինան պետք է Բելգրադին ֆինանսական փոխհատուցում վճարի մասնավոր եւ պետական սեփականության ապօրինի բռնագրավման համար:
«Բոլորի համար անհրաժեշտություն է սերբ-ալբանական հակամարտության մշտական կարգավորումը, որին հնարավոր է հասնել միայն սերբերի եւ ալբանացիների միջեւ համաձայնագրով, որով յուրաքանչյուր կողմը ինչ-որ բան կստանա եւ կկորցնի»,- նշել է Դաչիչը:
Կոսովոյի Հանրապետությունը Բալկանյան թերակղզում մասամբ ճանաչված պետություն է: Հիմնական բնակչությունը ալբանացիներ են: Սերբիան Կոսովոյի եւ Մետոխիայի ինքնավար շրջանը, ինչպես այն կոչվում է սահմանադրությամբ, իր տարածքի մասն է համարում: Ռուսաստանի Կոսովոյի անկախությունը չի ճանաչում:
Պաշտոնանկություն՝ Ռուբեն Ռուբինյանի կարգադրությամբ
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
ՀՀ ԱԺ իններորդ գումարման երկրորդ նստաշրջանի հերթական նիստ 16.09.2026
Ֆուտզալ․ Մոլդովա-Հայաստան հանդիպումն ավարտվեց ոչ-ոքի
Գրունիսը մահացել է՝ «կատարելով իր պարտքը»
Հայաստանի Օքսֆորդի շրջանավարտների բիզնես ակումբ
ՀՀ տարածքում ավտոճանապարհներն անցանելի են
Վեներա մոլորակը լավ տեսանելի կլինի առավոտյան երկնքում
Որքա՞ն զբոսաշրջիկ է օգոստոսին այցելել Հայաստան
«Մեղրատոն 2026». փեթակն ու արհեստական բանականությունը՝ Երևանի «Երազ» այգում