ԵՀ ղեկավարը 25 հազար եվրո է ծախսել մասնավոր օդանավով չվերթի համար
Եվրահանձնաժողովի ղեկավար Ժան Կլոդ Յունկերը 25 հազար եվրո է ծախսել մասնավոր օդանավի համար, որը 2016-ի փետրվարին ինը մարդուց բաղկացած պատվիրակությանը հասցրել է Հռոմ։
«Օդային տաքսու» ու հյուրանոցների համար ծախսերը կազմել են 500 հազար եվրո։ ԵՀ-ն հավաստիացնում է, որ ծախսերը համապատասխանում են ԵՄ կանոններին։ ԵՀ մամուլի քարտուղար Մինա Անդրեւան նշել է, որ մասնավոր օդանավ է վարձակալվել, որովհետեւ չեն եղել կոմերցիոն օդանավեր, որոնք կհամապատասխանեին ԵՀ ղեկավարի օրակարգին, հավելելով, որ մասնավոր օդանավով թռիչքի արժեքը մեկ մարդու համար կազմում է 2927 եվրո։