Թուրքիայի Բոդրում հանգստավայրում 24 ժամում 490 երկրաշարժ է գրանցվել
Թուրքիայի ամենահայտնի հանգստավայրերից մեկում՝ Մուղլա նահանգի Բոդրում շրջանում վերջին 24 ժամվա ընթացքում գրանցվել են ռեկորդային թվով ստորգետնյա ցնցումներ. այս մասին հայտնում է թուրքական t24.com.tr կայքը:
Թուրքիայի արտակարգ իրավիճակների նախարարության տվյալներով՝ 24 ժամում Բոդրումում գրանցվել է 490 երկրաշարժ:
Վերջին երկրաշարժը գրանցվել է Թուրքիայի ժամանակով կեսօրին 12:25, երկրաշարժի ուժգնությունը կազմել է 3.8 մագնիտուդ:
Հիշեցնենք, որ հուլիսի 22-ին Բոդրումում գրանցվել էր 6.6 մագնիտուդ ուժգնությամբ երկրաշարժ, երեք օր անց՝ հուլիսի 25-ին, ստորգետնյա նոր ցնցումների ուժգնությունը կազմել էր 3.9 մագնիտուդ:
Նախօրեին Բոդրումը կրկին ցնցվել էր՝ 5.3 մագնիտուդ ուժգնությամբ: