Ֆրանսիան կոչ է արել նվազեցնել լարվածությունը Հյուսիսային Կորեայի շուրջ ստեղծված իրավիճակում
Ֆրանսիան բոլոր շահագրգիռ կողմերին կոչ է արել գործել պատասխանատու ու նվազեցնել լարվածությունը Հյուսիսային Կորեայի նկատմամբ, այն բանից հետո, երբ Փհենյանը սպառնացել է հրթիռակոծել Գուամա կղզում գտնվող ամերիկյան ռազմակայանը, հայտնում է Reuters-ը։
«Մենք բոլոր կողմերին կոչ ենք անում պատասխանատու գործել»,- հայտնել է լրագրողներին կառավարության ներկայացուցիչ Քրիստոֆ Քասթաները, հավելելով, որ Ֆրանսիան մտահոգված է իրավիճակով։
Փհենյանը հայտնել է Գուամա կղզում ամերիկյան բազային հարված հասցնելու հնարավորության մասին։ Իսկ ԱՄՆ նախագահ Դոնալդ Թրամփը հայտնել է, որ ԱՄՆ-ին ցանկացած սպառնալիքի դեպքում Փհենյանը կհանդիպի «կրակի ու բարկության, որը աշխարհը դեռ չի տեսել»։