Մեքսիկայի կարիբյան ափին տագնապ է հայտարարվել
Մեքսիկայի Կինտանա- Ռոո նահանգում տագնապի դեղին մակարդակ է հայտարարվել՝ մոտելուտ «Ֆրանկլին» փոթորկի պատճառով։ Ցիկլոնը, որը ձեւավորվել է Կարիբյան ծովի վրա, շարժվում է ցամաքով 22 կմ/ժ արագությամբ, քամու արագությունը դրա սահմաններում հասնում է 95 կմ/ժ –ի, հայտնում է ՏԱՍՍ-ը։
Մասնագետները չեն բացառում, որ մոտակա օրերին, հասնելով ափին, «Ֆրանկլինը» կարող է ձեռք բերել առաջին կատեգորիայի փոթորկի հզորություն։ Այդ կապակցությամբ բնակչությանը խորհուրդ է տրվում զգուշավորություն դրսեւորել ու հետեւել իշխանությունների հաղորդած տեղեկություններին։
2016-ի օգոստոսին Մեքսիկայում «Էրլ» փոթորկի ժամանակ զոհվել էր առնվազն 49 մարդ։ Տարերքի հիմնական հարվածը այն ժամանակ բաժին էր հասել Վերակրուս ու Պուեբլա նահանգներին։