Ուկրաինայի եւ Մոլդովայի սահմանին 300 մետրանոց «սպիրտատար» են հայտնաբերել
Ուկրաինացի իրավապահները ապօրինի ալկոհոլ տեղափոխելու սխեմա են հայտնաբերել։ Այս մասին հաղորդում է «112 Ուկրաինա»-ն՝ վկայակոչելով պետական սահմանապահ ծառայությունը։ Գերատեսչության աշխատակիցները Նովոդնեստրովսկ քաղաքի արվարձանում երկու բեռնատար են հայտնաբերել, որոնցում պլաստիկե տարաներ են եղել՝ շուրջ 16 հազար լիտր տարողությամբ։
Ստուգումների ընթացքում պարզ է դարձել, որ դրանք նախատեսած էին Ուկրաինայի եւ Մոլդովայի սահմանով ապօրինի սպիրտ տեղափոխելու համար։ Դա հաստատվել է՝ 300 մետրանոց «սպիրտատարը» հայտնաբերելուց հետո։