Նորվեգացիներն ավտոբուսի նստարանները շփոթել են մահմեդական կանանց հետ (լուսանկար)
Facebook սոցցանցի նորվեգական հատվածի օգտատերերը շփոթել են ավտոբուսի դատարկ նստարանները հիջաբով կանանց հետ, հայտնում է The Daily Mail-ը:
Ներգաղթյալների դեմ հանդես եկող նորվեգացիների խմբում մի օգտատեր հրապարակել է դատարկ ավտոբուսի լուսանկար և գրել՝ «Ի՞նչ են մարդիկ մտածում սրա մասին»: Խմբի օգտատերերի մեծ մասը որոշել է, որ մուգ գույնի ավտոբուսային նստարանները շատ նման են հիջաբով կանանց և դրանում տեսել են Նորվեգիայի «իսլամականացման» ապացույց:
Խումբը փակ է, բայց մասնակիցներից մեկը բաց հասանելիությամբ հրապարակել է սքրինշոթերը: Օգտատերերին զարմացրել և ծիծաղելի է թվացել ատելությամբ լի նորվեգացիների արձագանքը: