Փհենյան. ՄԲՀ-ի փորձարկումը ԱՄՆ համար «լուրջ նախազգուշացում» է
Հյուսիսային Կորեայի նախագահ Կիմ Չեն Ընը հայտարարել է, որ միջմայցամաքային բալիստիկ հրթիռի երկրորդ փորձարկումը ցուցադրել է, որ Փհենյանը կարող է ԱՄՆ-ին հարվածել:
Կորեայի Կենտրոնական հեռագրական գործակալությունը հայտնում է, որ Կիմ Չեն Ընը «մեծ գոհունակություն» է հայտնել, որ «Հվասոնգ-14» հրթիռը հասել է առավելագույն բարձրության՝ 3725 կմ-ի, անցել է 998 կմ եւ ընկել Ճապոնիայի ծովափի մոտ: Գործակալությունը հայտնել է, որ փորձարկումն ուղղված էր հրթիռի առավելագույն դիապազոնի եւ տեխնիկական այլ ասպեկտների հաստատմանը, որն ունակ է «ծանր միջուկային մարտագլխիկ» տանել:
Կիմը նշել է, որ արձակումը վերստին հաստատեց ՄԲՀ-ի հուսալիությունը եւ «պատահական տարածաշրջաններին ու տարածքներին պատահական ժամանակում հարվածներ հասցնելու» երկրի հնարավորությունը: Նրա խոսքով՝ այս փորձարկումը ԱՄՆ համար «լուրջ զգուշացում» է: