Պուտինը ԱՄՆ նոր պատժամիջոցների օրինագծի մասին՝ մեզ մշտապես փորձում են սադրել
Ռուսաստանը դեռ վերջնական տեսակետ չի ձեւավորել ԱՄՆ նոր պատժամիջոցների մասին օրինագծի կապակցությամբ, քանի որ այն դեռ ընդունված չէ, բայց Վաշինգտոնը արդեն վաղուց է սադրում Մոսկվային։ Այս մասին հայտնել է Ռուսաստանի նախագահ Վլադիմիր Պուտինը՝ իր ֆին գործընկերոջ հետ բանակցությունների արդյունքներն ամփոփող մամուլի ասուլիսի ժամանակ, հայտնում է ՌԻԱ Նովոստին։
«Մենք դեռ չենք տեսել վերջնական տարբերակը, դրա համար էլ այդ մասին վերջնական տեսակետ նույնպես չկա։ Բայց մենք տեսնում ենք, որ երկար ժամանակ մեզ փորձում են մշտապես սադրել՝ մեկ մեծ քանակության դիվանագետների են արտաքսում առանց պատճառները բացատրելու, մեկ դիվանագիտական սեփականությունն են օտարում, ինչը առհասարակ բոլոր շրջանակներից դուրս է, քանի որ հակասում է միջազգային իրավունքի հիմնարար նորմերին, դիվանագիտական հարաբերություններին»,- ասել է Պուտինը՝ պատասխանելով այն հարցին, թե ինչպես է Ռուսաստանը արձագանքելու, եթե օրինագիծն ընդունվի։
ԱՄՆ ներկայացուցիչների պալատը այս շաբաթ ընդունել է օրինագիծ, որը զգալիորեն ընդլայնում է Ռուսաստանի դեմ տնտեսական պատժամիջոցները։ Հիմա փաստաթուղթը պետք է դիտարկվի սենատի կողմից, ու հաստատման դեպքում այն կներկայացնեն ԱՄՆ նախագահ Դոնալդ Թրամփին՝ ստորագրման համար։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
Կարևոր է, որ հայության ներկայացուցիչներն իրենց նույնականացնեն ՀՀ-ի հետ