Բլոգեր Լապշինն իրեն Իսրայելին արտահաձնելու խնդրագիր է ներկայացրել
Ռուսուսաստանի եւ Իսրայելի քաղաքացի բլոգեր Ալեքսանդր Լապշինը, որին ծանր հանցագործությունների Բաքվի դատարանը հուլիսի 20-ին 3 տարվա ազատազրկման է դատապարտել, իրեն Իսրայելին արտահանձնելու խնդրագիր է ներկայացրել։ Այս մասին «ՏԱՍՍ»-ին հայտնել է բլոգերի փաստաբան Էդուարդ Չերնինը։
«Այսօր ես հանդիպեցի Լապշինին։ Նա իրեն Իսրայել արտահանձնելու խնդրագիր է ներկայացրել»,-ասել է Չերնինը։
Փաստաբանը նաեւ նշել է, որ Ռուսաստանի, Ուկրաինայի եւ Իսրայելի քաղաքացի Լապշինը դատարանի դահլիճոմ հրաժարվել է դատավճիռը բողոքարկել։
«Իմ պաշտպանյալը երախտապարտ է Ռուսաստանի դեսպանատանը իրեն աջակցություն ցուցաբերելու պատրաստականության համար, եթե նա ցանկանա Ռուսաստան արտահանձնվել։ Բայց նա ցանկանում արտահանձնվել Իսրայել, ինչի հետ կապված խնդրագիր է ներկայացրել»,-հստակեցրել է Չերնինը։
Նրա խոսքով՝ այժմ գործի պետք է անցնի իսրայելական կողմը, որը դրական պատասխանի դեպքում պետք է դիմի Ադրբեջանի արդարադատության նախարարությանը Ընթացակարգի համաձայն՝ դրանից հետո պետք է դատական նիստ տեղի ունենա, որն արտահանձնման որոշում կկայացնի։