Շվեյցարական ոստիկանությունը ձերբակալել է սղոցով հինգ մարդու վիրավորած հանցագործին
Հուլիսի 25-ին շվեյցարական ոստիկանությունը ձերբակալել է այն հանցագործին, որը նախօրեին սղոցով վիրավորել էր հինգ մարդու։ Չարագործը ձերբակալվել է Ցյուրիխում, հայտնում է DW-ը։
Անհայտ անձը՝ սղոցը ձեռքին մտել էր բուժապահովագրության գանձարկղի բաժանմունք ու հարձակվել հաստատության աշխատակիցների վրա։ Երկու մարդ լուրջ վիրավորում էր ստացել, հանցագործին հաջողվել էր թաքնվել։
Ոստիկանությունում շեշտել են, որ խոսքը ահաբեկչության մասին չէ, այլ տվյալ բուժապահովագրության գանձարկղի աշխատակիցների վրա միտումնավոր հարձակման։ Այդ նույն օրը ոստիկանները պարզել էին հարձակվողի անձը։ Հանցագործը Շվեյցարիայի 51-ամյա քաղաքացի էր, առանց բնակության որոշակի վայրի, որը գերազանցաբար ապրում է անտառում ու նախկինում դատված է եղել զենք պահելու համար