Թրամփը սատարում է պատժամիջոցների ռեժիմի պահպանումը՝ Ռուսաստանի, Իրանի և Հյուսիսային Կորեայի դեմ
ԱՄՆ նախագահ Դոնալդ Թրամփը սատարում է պատժամիջոցների ռեժիմի պահպանումը՝ Ռուսաստանի, Իրանի և Հյուսիսային Կորեայի դեմ, և մտադիր չէ վերացնել սահմանափակումներն այդ երկրներում: Այս մասին հաղորդում է Սպիտակ տան մամուլի քարտուղարի առաջին տեղակալ Սառա Սանդերսը:
Ըստ նրա, հաշվի առնելով Կոնգրեսի կողմից նոր սահմանափակող միջոցառումները, նախագահը ցանկանում է համոզվել, որ դրանք կարող են Միացյալ Նահանգների համար «լավ գործարք» հանդիսանալ:
«Նախագահն արդեն խոսել է երեք երկրների դեմ պատժամիջոցների պահպանման իր աջակցության մասին և մտադրություն չունի վերացնել դրանք: Միևնույն ժամանակ նա ուզում է համոզվել, որ մենք կատարում ենք հնարավոր լավագույն գործարքն ամերիկյան ժողովրդի համար», - ասել է Սանդերսը, լրագրողների խնդրանքով մեկնաբանելով ԱՄՆ ղեկավարության՝ Իրանի, Ռուսաստանի և Հյուսիսային Կորեայի դեմ կոշտ պատժամիջոցներ նախատեսող նոր օրինագիծը:
Ակնկալվում է, որ նոր օրինագծի շուրջ քվեարկությունը ԱՄՆ Ներկայացուցիչների պալատում տեղի կունենա երեքշաբթի օրը: