Արևի՝ երբևէ ամենամոտ տարածությունից պատկերված լուսանկարները

Եվրոպական տիեզերական գործակալությունը և ՆԱՍԱ-ն Արևը պատկերող նոր լուսանկարներ են հրապարակել, որոնք ստացվել են ընդամենը 77 մլն կմ հեռավորությունից:

Ինչպես հայտնում է BBC News-ը, լուսանկարներն արվել են Solar Orbiter առաքելության շրջանակներում: Նոր հրապարակված կադրերում կարելի է փոքրածավալ բռնկումներ նկատել, որոնց առաջացման բնույթը դեռևս ամբողջովին բացահայտված չէ:

Գիտնականների կարծիքով՝ գուցե այդ փոքրածաված բռնկումները կարևոր դեր են խաղում արևային պսակի տաքացման գործում: Հայտնի է, որ պսակը 200-500 անգամ ավելի տաք է, քան դրա տակ գտնվող շերտերը:

Solar Orbiter առաքելության շրջանակներում, որը մեկնարկել է այս տարվա փետրվարին, հետազոտողները հույս ունեն նոր տվյալներ ստանալ Երկրի մոտակա Աստղի վարքի վերաբերյալ:

Այս թեմայով Տպավորիչ «արյունոտ Լուսին». 2026 թվականի մարտի 3-ին սպասվում է Լուսնի լիակատար խավարում Փետրվարի վերջին վեց մոլորակներ գիշերային երկնքում «շքահանդեսի» կշարվեն Գիտնականները հայտնաբերել են փոքր աստերոիդների քիմիական կազմը Երկրի վրա կրկի՞ն մագնիսական փոթորիկ կսկսվի․ Բնակիչներին զգուշացրել են Երկրի վրա մոտ երկու օր մոլեգնող մագնիսական փոթորիկն ավարտվել է