Այն, ինչ կատարվում է Հայաստանում, դա մեր ներքին խնդիրն է
«Մեկ Հայաստան» կուսակցության ղեկավար Արթուր Ղազինյանը գրել է․
«Դիմում եմ Ռուսաստանի, Իրանի, Վրաստանի, ԱՄՆ-ի, ԵՄ և ԵՄ անդամ պետությունների, Չինաստանի, ինչպես նաև Հայաստանի բարեկամ բոլոր պետությունների մեր գործընկերներին։
Վերջին 2 տարիներին ձեր բարեկամ և մեր Հայրենիք Հայաստանում տեղի են ունենում ձեր համար անհասկանալի գործընթացներ և խիստ տարօրինակ իրադարձություններ։
Լինելով Հայաստանին և Հայ ժողովրդին բարեկամ ձեզ մոտ ձևավորվել է որոշակի տարակուսանք և անհանգստություն Հայաստանի միջազգային վարկանիշի, վստահելիության, կանխատեսելիության և լրջության վերաբերյալ, ինչը լիովին հասկանալի է Հայաստանում վերջին 2 տարիներին տեղի ունեցող իրադարձություննների ֆոնին։
Ցանկանում եմ Ձեզ վստահեցնել, որ տեղի ունեցողը խիստ ժամանակավոր երևույթ է, որի միջով անցել են շատ ժողովուրդներ՝ ուժեղ պետականություն և քաղաքական ազգ ձևավորելու ճանապարհին։
Հայ ժողովուրդը պատմականորեն եղել և մնում է քաղաքակրթածին ազգ, որին վիճակված է եղել հաղթահարել առաջին հայացքից անհաղթահարելի դժվարություններ, վերապրել ահարկու աղետներ, պատերազմներ և ցեղասպանություններ։
Հորդորում եմ ձեզ շարունակել Հայաստանին և Հայ ժողովրդին վերաբերվել որպես վստահելի և սոլիդ գործընկերոջ, ում վրա դժվար պահին կարելի է հույս դնել, հենվել՝ վստահ լինելով աշխարհաքաղաքական պայմանավորվածությունների հետևողական և անկասելի պահպանման ու ստանձնած միջազգային պարտավորությունների անշեղ կատարման մեջ։
Այն ինչ կատարվում է Հայաստանում, դա մեր ներքին խնդիրն է և ՄԵՆՔ կլուծենք այդ խնդիրները ինքնուրույն, իսկ հարկ եղած դեպքում կդիմենք օգնության և օժանդակության խնդրանքով։
Ընդունեք այս ամենը որպես օրինաչափությունից բնական շեղում և վստահ եղեք, որ ներքաղաքական օրգանիկան շատ շուտ կվերականգնվի, իսկ Հայ ժողովուրդը կգտնի իր մեջ ուժ վերահաստատելու իր դերը, նշանակությունն ու կարևորությունը տարածաշրջանային և միջազգային քաղաքակրթությունների ձևավորման և էվոլյուցիայի մեջ։
Հ.Գ. Ադրբեջանի և Թուրքիայի իշխանություններին խորհուրդ եմ տալիս շատ չոգևորվել և չուրախանալ Հայաստանում տեղի ունեցողի առիթով, քանզի Հայաստանի ու Արցախի ինքնիշխանության ու տարածքային ամբողջականության դեմ ցանկացած ոտնձգություն կհանդիպի նույն համազգային դիմադրության՝ դրանից բխող բոլոր հետևանքներով»։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Իրանական պատվիրակությունը Դոհայում բանակցություններ է վարել Կատարի միջնորդների հետ