Ճապոնիայում առաջին օդանավն են ուղարկել Կուրիլյան կղզիներ
Ճապոնիայի Նակասիբեցու ավանում հանդիսավոր արարողություն է կազմակերպվել Հոկայդո կղզու եւ Կուրիլյան կղզիների միջեւ առաջին ավիաչվերթի առիթով: Այս մասին գրում է ՌԻԱ Նովոստին:
Չարտերային չվերթով մի խումբ ճապոնացիների առանց վիզայի կհասցնեն Կունաշիր եւ Իտուրուպ կղզիներ՝ նախնիների գերեզմաններին այցելելու:
Նախկինում նման այցերի համար ծովային փոխադրամիջոց էին օգտագործում: Ապրիլին Հարավային Կուրիլների նախկին բնակիչներին օդանավով ճամփորդելու հնարավորություն ընձեռելու շուրջ համաձայնություն էր ձեռք բերվել: