Աշխարհի ամենաթանկարժեք ավիակիրը պատրաստ չէ ռազմական ծառայության
ԱՄՆ ՌԾՈՒ պատմության մեջ ամենաթանկարժեք ավիակրին՝ Gerald R. Ford –ին շարունակում են հետապնդել անհաջողությունները, հայտնում է Bloomberg-ը։
Էլեկտրամագնիսային կատապուլտի խնդիրներին գումարվել են նաեւ տախտակամածին ավիացիա ընդունելու բարդությունները։
Աէրոֆինիշերը՝ հատուկ ճոպանը, որից օդանավը ամրացվում է տախտակամածին վայրէջք կատարելիս, հաշվարկային արժեքից եռակի թանկ է ստացվել։ Վայրէջքի համակարգի համար 300 մլն դոլարի փոխարեն ստիպված են եղել գրեթե մեկ միլիարդ դոլար վճարել։
Սակայն գնի խնդիրը միակը չէ։ Պարզվում է, որ ավիառումբերով բեռնված F/A-18 օդանավերը չեն կարողանում կատապուլտի միջոցով օդ բարձրանալ ու մարտական պատրաստվածություն ապահովելու համար ավիացիան ստիպված է լինում «թեթեւացնել բեռը»։