Լոնդոնում հրդեհի հետեւանքով զոհվածների թիվը 17-ի է հասել
Մեծ Բրիտանիայի վարչապետ Թերեզա Մեյը խոստացել է հրապարակային հետաքննություն իրականացնել՝ Լոնդոնի բնակելի շենքում բռնկված հրդեհի կապակցությամբ։ Վերջին տվյալներով, հրդեհի հետեւանքով զոհվածների թիվը հասել է 17-ի։
Reuters-ի փոխանցմամբ, հրդեհի վայրում դեռ ծուխ է երեւում։ Որոնումներն իրականացնող մասնագետները բախվել են շենքի փլման սպառնալիքին։
Գրենֆել Թաուեր 24 հարկանի տան 120 բնակարաններում մոտ 600 մարդ էր բնակվում։ Ոստիկանության տվյալներով հաստատված է 17-ի մահը։ Հրշեջ աշխատակիցները դեռ հույս ունեն այնտեղ ողջ մնացածների գտնել, նրանց արդեն հաջողվել է փրկել 65 մարդու։ Հիվանդանոցներում շարունակում են մնալ 37 մարդ, նրանցից 17-ը շատ ծանր վիճակում է։