Մակրոն․ ԵՄ դռները մնում են բաց Մեծ Բրիտանիայի համար
ԵՄ-ի դռները մնում են բաց Մեծ Բրիտանիայի համար՝ մինչեւ «բրեքսիթի» մասին բանակցությունները սկսելը։ Այս մասին հայտնել է Ֆրանսիայի նախագահ Էմանուել Մակրոնը Բրիտանիայի վարչապետ Թերեզա Մեյի հետ հանդիպումից հետո։ Մակրոնը հավելել է, որ բանակցությունները սկսելուց հետո նահանջելն արդեն դժվար կլինի, հայտնում է Reuters-ը։
«ԵՄ դռները բնականաբար բաց են մինչեւ բրեքսիթի մասին բանակցությունների մեկնարկը, բայց դա ինքնիշխան որոշում էր ու ես այն հարգում եմ»,- ասել է Մակրոնը։
Մեյը նշել է, որ բանակցությունները ժամանակացույցի համաձայն կսկսվեն հաջորդ շաբաթ։ Մակրոնն էլ իր հերթին հայտնել է, որ Բրիտանիայի վարչապետը չպետք է որեւէ օգուտ ակնկալի ԵՄ-ից «բրեքսիթի» մասին բանակցությունների ժամանակ։