Քատարի ֆիննախ. Դոհան պատրաստ է պաշտպանել իր տնտեսությունը
Չնայած պատժամիջոցներին՝ Դոհան կկարողանա պաշտպանել իր տնտեսությունն ու արժույթը: Այս մասին հայտարարել է Քատարի ֆինանսների նախարար Ալի Շերիֆ ալ-Էմադին:
Պաշտոնյայի խոսքով՝ իրենք գիտեն, որ կարող են խնդիրների բախվել, բայց Կատարը կենսունակ երկիր է:
«Քատարն անհրաժեշտ ակտիվներ եւ անվտանգություն ունի. օտարերկրյա ակտիվներն ու ներդրումները կազմում են երկրի ՀՆԱ-ի 250%-ը: Տնտեսական տեսանկյունից այժմյան իրադարձությունները մտահոգություն չեն առաջացնում»,- CNBC հեռուստաալիքին տված հարցազրույցում ասել է նա:
Նշենք, որ մի շարք երկրների կողմից Քատարի հետ դիվանագիտական եւ տնտեսական կապերի խզումից հետո ռիալը նվազել է՝ հասնելով վերջին 8 տարիների ընթացքում նվազագույն ցուցանիշի: