Հոնկոնգում բողոքի ակցիայի մասնակիցները պահանջել են դադարեցնել շնաձկների լողակների վաճառքը
Հոնկոնգում բողոքի ակցիա է տեղի ունեցել։ Ակցիայի մասնակիցները պահանջել են դադարեցնել շնաձկների լողակների վաճառքը։ Խոսքը վերաբերում է հատկապես շնաձկների վերացող տեսակներին։ Ակցիան տեղի է ունեցել չինական Maxims Palace ռեստորանի մերձակայքում։
Շուրջ 70 մարդ վանկարկել են. «Դադարեցրեք վաճառքը», «Maxims, դադարեցրու վաճառել անհետացող շնաձկների լողակները»։
Ռեստորանում պնդում են, թե վերջին 6 տարում ավելի քան կիսով չափ կրճատել են շնաձկների լողակներից ուտեստներ պատրաստել եւ մատուցում են միայն կապույտ շնաձկների լողակներից պատրաստված ուտեստներ։