Գերմանիան սկսել է ապաստան տրամադրել չեչեն միասեռականներին
Գերմանիան ընդունել է առաջին չեչեն փախստականին, ով Ռուսաստանից հեռացել է միասեռականների նկատմամբ գործադրվող ճնշումների պատճառով: Այս մասին հայտնում է Deutsche Welle-ն` վկայակոչելով Գերմանիայի ԱԳ նախարարությանը:
Գերատեսչությունից նշել են, որ երիտասարդը Գերմանիա է ժամանել հունիսի 6-ին: «Մենք ուրախ ենք, որ կարող ենք օգնել հատկապես դժվար իրավիճակներում», - ընդգծել են Գերմանիայի ԱԳՆ-ում:
Աղբյուրի հաղորդմամբ` ապաստան տրամադրելու մասին որոշումը կայացվել է Մոսկվայում Գերմանիայի դեսպանության ներկայացուցիչների կողմից չեչեն քաղաքացու հետ զրույցից հետո:
Ընդհանուր առմամբ, գերմանացի դիվանագետները Մոսկվայում 5 դիմում են ստացել կացարան ստանալու համար` կապված Չեչնիայում միասեռականների շուրջ ստեղծված իրավիճակի հետ:
Եվս երեքին հարցազրույցի են հրավիրել գերմանական դիվանագիտական առաքելությունում: Նրանք նույնպես կարող են Գերմանիա մեկնելու իրավունք ստանալ: