Փարիզի բնակչուհին դատի է տվել Ֆրանսիային օդի աղտոտվածության համար
Փարիզի բնակչուհին դատի է տվել Ֆրանսիային օդի աղտոտվածության պատճառով իր առողջական վիճակի վատացման կապակցությամբ, հայտնում է BBC-ն։
Յոգայի 56-ամյա ուսուցչուհի Կլոտիլդա Նոննեզը հավաստիացնում է, որ արդեն 30 տարի ապրում է մայրաքաղաքում ու իր առողջությունը դրանից վատանումէ։ Նա շնչառական խնդիրներ ու ասթմա ունի։ Նրա վիճակը վատացել է, երբ Փարիզում օդի աղտոտվածությունն անցած տարվա դեկտեմբերին ռեկորդային մակարդակի է հասել։ Փաստաբանի խոսքով, Ֆրանսիայում օդի աղտոտվածության պատճառով տարեկան 48 հազար մարդ է մահանում։ Փաստաբանը հայտնել է , որ նույնատիպ հայցեր են ներկայացվելու նաեւ Ֆրանսիայի մի շարք այլ քաղաքներում։