ԵՄ-ն ձեւավորում է Եվրոպական պաշտպանական հիմնադրամ
ԵՄ-ն ձեւավորում է Եվրոպական պաշտպանական հիմնադրամ։ Այս մասին, DW -ի փոխանցմամբ, հայտնել է ԵՀ-ն։
Հիմնադրամի ֆինանսները բաժանվելու են՝ մի մասը հատկացվելու է գիտական հետազոտություննրի, մյուս մասը՝ մշակումներին ու գնումներին։ Ծրագրվում է, որ ԵՄ-ն 2017-ին առաջին անգամ դրամաշնորհներ է տրամադրելու ինովացիոն պաշտպանական տեխնոլոգիաների հետազոտություններին։ Այդ նպատակների համար մինչեւ 2019թ․ նախատեսված է 90 մլն եվրո։ Ենթադրվում է, որ 2020-ից հետո ծախսերի այդ հոդվածը կկազմի տարեկան 500 մլն եվրո։
Սպառազինումների ու պաշտպանական տեխնոլոգիաների մշակման ու գնման համար 2019 ու 2020 թթ հատկացվելու է ընդհանուր առմամբ 500 մլն եվրո։ ԵՀ-ն հույս ունի, որ 2020-ից հետո այդ հոդվածով տարեկան ծախսերը մշտապես կավելանան ու արդյունքում կհասնեն 5 մլրդ եվրո մակարդակին։